Балабақшада қосымша ақылы қызметтер көрсету туралы бұйрық
Ақылы қамтамасыз ету туралы ақпарат (қосымша қызмет)
2007 жылғы 27 шілдедегі № 319-ІІІ ҚР «Білім туралы» заңының 49-бабының 5-тармағына, «Мектепке дейінгі ұйымдардың типтік ережесінің» 2- бөлімінің 24-тармағы (ҚР Үкіметінің 2013 жылғы 17 мамырдағы № 499 қаулысымен бекітілген) негізінде: №58 «Өркен» балабақшасындағы тәрбиеленушілердің жас, психикалық-физиологиялық ерекшеліктеріне, қабілеттеріне, қызығушылықтары мен қажеттіліктеріне сәйкес қосымша қызметтер көрсетеді:
Қосымша ақылы қызметтерді ашу келесі мақсаттарда жүзеге асырылды:
Өткізілген сауалнама бойынша ата-аналармен балабақша арасында төмендегі келісім-шарт ұйымдастырылды:
- Балабақша мекемесі меңгерушісінің атына таңдаған ақылы қызметтер бойынша өтініш 17 қыркүйек - 01 қазан аралығында қабылданады.
- Өтініш бойынша балабақшамен ата-аналар арасында келісім-шартқа отырғызу ұйымдастырылады.
- Келісім-шартқа отырғызудан кейін үйірме кестесі бойынша ақылы қызмет өз жұмысын бастайды.
Үйірме жұмыстары ұйымдастырылған іс-әрекеттен бос уақытта күннің екінші жартысында өткізіледі.
Балалардың денсаулығын нығайту үшін «Тұзды шахтаның» пайдасы
№58 «Өркен» балабақшасында тәрбиеленушілерге арналған тыныс алу жолдарындағы қабыну және инфекциялық процестердің белсенділігін төмендететін тұзды шахта бар.
Тұзды шахтаға бару кезіндегі ережелер мен нұсқаулар:
1) Тұзды шахтаға барған кезде ашық түсті мақтадан жасалған киімді киген жөн.
Киім тыныс алуға кедергі келтірмейтіндей, жайлы және ыңғайлы болуы керек;
2) Тәрбиеші немесе медицина қызметкері ішкі өзара әрекет кезінде (бір-бірімен, ойыншықтармен) балалардың мұрны мен көзіне тұз түйіршіктерінің түспеуін міндетті түрде қадағалауы тиіс. Сеанстан соң бет пен қолды шаюға болады. Алайда тұзды шахтаға барғаннан кейін бірден 2-3 сағат ішінде суға түсу (бассейн) ұсынылмайды, сонымен қатар 30 минуттан кейін ғана су ішуге болады;
3) Сеанс кезінде кіреберіс есікті ашуға болмайды, өйткені бұл құрылған микроклиматты бұзуы мүмкін;
4) Балалар үшін 1 сеанстың ұзақтығы 20 минутты, курс 10 күнді құрайды;
5) Тұзды шахтада ұсынылатын температура – 19-21 С.
Тұзды шахта, терапияның бір түрі. Бұл тұзды шахтаның пайдасы өте зор. Әсіресе күз-көктем айларында ылғал жөтел кезінде жақсы көмектеседі. Сондықтан да жоғары және төменгі тыныс алу жолдарының қабынба аурулары кезінде тұзды шахтаға бару ұсынылады. Себебі тұзды булар қақырықтың жылдам және оңай шығуына әсер етеді. Алайда баланы түзды шахтаға апармас бұрын дәрігерден кеңес алу керек. Сонымен қатар балалардың иммунитеттін көтеру мақсатында да апарылады. Бізді балабақшада тұзды шахтаға әр топтан балалар барып отырады. Олар тұзды шахтаның ішінде 15 минут ойнайды. Шахта ішінде әртүрлі ойыншықтар бар. Алдымен бөлмені желдетіп аламыз. Одан кейін тұз қоспасы бар арнайы құрылғы тоққа қосылып тұрады. Сол тұзды ауаны жұту балаларға өте пайдалы. Бөлменің қабырғалары түгел тұздан тұрады. Жерге төселген тұзда әртүрлі ойышықтармен ойнауда балаларды зеріктірмейді. Мұндай бөлме түрлі респираторлық және тері ауруларына шалдыққандарға ем екенін білеміз. Тұз терапиясының тағы бір артықшылығы, көңіл күйді жақсартуға көмектесетін иондарға бай. Балаларымыз тұзды шахтаға келіп ойнағанды өте жақсы көреді.
Тұз терапиясы мына жағдайларда көмектесе алады:
- баланың тыныс алу органдарының ауруларына төзімділігін арттыру:
- ұйқыны жақсарту
- баланың жалпы психоэмоционалды жағдайын нығайту
- тұмаудың алдын алу, аденоидтардың қабынуын жою
- аллергиядан арылу
- иммунитетті арттыру
2025 жылдың 27 ақпан күні балабақшада ата-аналар мен балаларға арнап арнайы ұйымдастырылған «Мектеп жасына дейінгі балаларды жан-жақты дамыту» тақырыбында ақылы қызмет түрлерінен іс-шаралар өткізілді. Бұл іс-шара балалардың жан-жақты дамуына ықпал ету, ата-аналарды балаларының даму деңгейімен таныстыру мақсатында ұйымдастырылды. Іс-шараға ата-аналар да белсенді қатысып, балаларының түрлі қызмет түрлеріндегі жетістіктерін тамашалады. Іс-шаралар арасында би, ән, арт терапиясы, құм терапиясы, тұзды үңгір, логопед, футбол және театр түрлерінен ұйымдастырылған ерекше сессиялар болды. Әрбір қызмет түрі балалардың шығармашылық қабілеттерін дамытуға және олардың жеке тұлғалық қасиеттерін ашуға бағытталды. Балалар би мен ән өнерін көрсетіп, өздеріне сенімділік танытты. Арт терапиясы мен құм терапиясы балалардың ішкі әлемін ашып, олардың эмоционалдық жағдайларын реттеуге бағытталды. Ал құм терапиясы арқылы олар өз қиялдарын шектеусіз көрсетуге мүмкіндік алды, бұл олардың шығармашылық қабілеттерін дамытты. Футбол ойыны балалардың физикалық дамуын, координациясын және топта жұмыс істеу дағдыларын жақсартуға көмектесті. Театр бөлімі балаларға актерлік шеберлік пен сахналық қойылым дағдыларын меңгеруге мүмкіндік берді. Олар түрлі рөлдерде ойнап, шығармашылықтарын ашып, болашақта сахнада еркін қозғалу үшін қажетті тәжірибе жинақтады. Тұзды үңгір – балалардың тыныс алу жүйесін жақсартуға арналған, сондай-ақ олардың психоэмоционалдық жағдайын реттейтін ерекше терапевтік орын. Логопедиялық сабақтар барысында балалардың тіл дамуы, дыбыстарды дұрыс айту, сөйлеу мәдениетін қалыптастыру мәселелері қарастырылды. Балалар ойындар мен тапсырмалар арқылы тілдерін дамытып, дыбыстарды дұрыс айтуға үйренді. Ата-аналар мен балалар арасындағы өзара түсіністік пен байланыс нығайып, балалардың өздеріне деген сенімі артты. Ақылы қызмет түрлерінен өткізілген іс-шаралар балаларға әртүрлі дағдыларды үйретіп, олардың жан-жақты дамуына ықпал етті. Бұл іс-шара ата-аналардың балаларымен бірге уақыт өткізуіне және олардың әртүрлі салалардағы жетістіктерін бағалауға мүмкіндік берді. Балабақшадағы мұндай іс-шаралар балалардың дамуына жаңа серпін береді және олардың шығармашылық әлеміне жол ашады.