Бүгін М. Жұмабаев атындағы №65 мектеп-гимназиясына №58 «Өркен» балабақшасының бітіруші тәрбиеленушілері қонаққа келіп, мектеп өмірімен танысты.
Кішкентай қонақтарды мектеп мұғалімдері жылы қарсы алып, білім ордасының тыныс-тіршілігін таныстырды. Балалар мектептің ішкі тәртіп ережелерімен, оқушының қандай болуы керектігімен танысып, акт залы, кітапхана, спортзал және асхана сияқты маңызды орындарды аралап көрді.
Бұл кездесу бүлдіршіндер үшін мектепке деген қызығушылықты арттырып, алдағы оқу жылына деген сенімді қадам жасауға мүмкіндік берді.
Білім жолына алғашқы қадамдарың сәтті болсын, болашақ оқушылар!
“Шабыт” ортаңғы тобы
Астана қаласы әкімдігінің «Әдістемелік орталығы» МКҚК 2026 жылғы жылдық жоспарына сәйкес, құзыреттілік орталықтарының жұмысын насихаттау мақсатында №58 «Өркен» балабақшасында «Мектепке дейінгі ұйымның отбасымен өзара әрекеттесуі» тақырыбында қалалық семинар өтті.
«Дарын» ересек тобының бүлдіршіндері Н. С. Манапованың жетекшілігімен бүгін семинардың бірінші бөліміне қатысып, ерекше көңіл күй кешті.
№58 «Өркен» балабақшасында «Мектепке дейінгі ұйымның отбасымен өзара әрекеттесуі» тақырыбында қалалық семинар өтті. Іс-шараға педагогтер мен ата-аналар қатысып, оның негізгі мақсаты – ата-аналардың педагогикалық-психологиялық сауаттылығын арттыру және балабақша мен отбасы арасындағы серіктестікті нығайту болды.