«Өркен» балабақшасының тәрбиеленушілері 4 маусым – ҚР Рәміздер күніне орай ерекше іс-шараға қатысты. Балалар елдік пен бірліктің, патриоттықтың нышаны саналатын Мемлекеттік Рәміздерге құрмет білдіріп, Қазақстан ұлттық телеарнасына барып, елордамыздың жүрегінде Әнұранымызды орындап қайтты. Бұл шара бүлдіршіндердің бойында отансүйгіштік сезімді қалыптастыруға, мемлекеттік рәміздерге деген мақтаныш пен құрметті арттыруға бағытталды.