Тақырыбы: “Баланың басты ұстазы-ата-ана”
Ата-аналарды 2025-2026 ж оқу жылының басталуымен құттықтап, танысу мақсатында тренинг жүргізілді. Ата-аналар балабақша ішіне саяхат жасап, балабақшамызға көңілдері толып, қуаныштарын жеткізді. Тәрбиеші оқу бағдарламасымен таныстырып, көптеген сұрақтарға жауап берілді.
Тәрбиеші: А.К. Бердиева
Ата-аналар жиналысы “Өнерлі” мектепалды тобы
2025-2026 оқу жылының басталуына орай “ Өнерлі” мектепалды тобында “ Балабақша мен ата-ана бірлігі” атты ата-аналар жиналысы ұйымдастырылды.
Кездесу аясында ата-аналар мен қызықты,көңілді тренингтер мен сергіту ойындар ойнатылды.
Ата-аналар әр түрлі сұрақтарына жауап алып,шынайы ықыластарын білдірді.
Топ тәрбиешілері: Мизанқызы Манар, Казиевна Нұргүл
2025-2026 оқу жылының басталуына орай "Озат" мектепалды тобында ата-аналармен кездесу жиналысы ұйымдастырылды.
Жиналысты топ тәрбиешісі Ж.Байтореева жүргізіп, ата-аналармен жылы қарым-қатынас орнатып, қызықты психологиялық және сергіту ойындарын ойнатты. Бұл ойындар ата-аналар арасындағы ынтымақтастықты нығайтып, жағымды көңіл-күй сыйлады.
Сонымен қатар тәрбиеші жаңа оқу жылында топта жүргізілетін оқу-тәрбие жұмыстарының мазмұнымен, жоспарымен таныстырып өтті. Ата-аналар тарапынан қойылған сұрақтарға нақты жауаптар беріліп, бірлескен жұмысқа бағыт-бағдар берілді.
2025-2026 оқу жылы аясында "Ұлағат" мектепалды тобының ата-аналарымен алғашқы танысу жиналысы өтті. Жиналыс ерекше жылы атмосферада, көтеріңкі көңіл күймен ұйымдастырылды.
Кездесу барысында ата-аналармен қызықты тренингтер мен сергітетін ойындар ойнатылып, бір-бірімен жақынырақ танысуға мүмкіндік жасалды. Тәрбиешілер ата-аналардың белсенділігін ерекше атап өтіп, кішігірім естелік ретінде "Құрмет орденін" табыстады.
Топ тәрбиешілері: Данара Нұраевна.
